Pandeli Nakoleci, i cili pranoi se vrau bashkëshorten e tij 36-vjeçare në Volos të Greqisë mbërriti në zyrën e Oficerit Hetues me kokën ulur në të martën në mëngjës. Ai nuk iu përgjigj pyetjeve të gazetarëve, ndërsa roja e shoqëroi drejt godinës së gjykatës. Për të shmangur përplasjen me turmën që ishte mbledhur jashtë, ai hyri në gjykatën e Volosit nga dera e pasme, i veshur me një jelek antiplumb.Në të njëjtën kohë, në Shqipëri u zhvillua ceremonia mortore e viktimës. Autori i krimit ka paralajmëruar se do të kërkojë vlerësim psikiatrik, duke përmendur tentativën e tij të fundit për vetëvrasje dhe qëndrimin në një klinikë psikiatrike. Ai ka mohuar kategorikisht akuzat e fëmijëve, të cilët deklaruan se kishte ushtruar dhunë sistematike ndaj nënës së tyre, duke pretenduar se nuk kishte pasur kurrë denoncime për dhunë në familje. Fillimisht ai u shfaq i ftohtë dhe i papenduar, ndërsa më vonë ai kërkoi falje duke thënë se e vrau bashkëshorten “në një moment tërbimi”. Ai pretendon se martesa e tyre ishte prishur pas Pashkëve, kur kishte zbuluar lidhjen jashtëmartesore të bashkëhsortes së tij.