Evropiani i Gjermanisë po afron dhe nuk janë të paktë ata që janë trembur nga kërcënimet për atentate terroriste në këtë eveniment. Në këtë pikë shumë prej ekipeve kombëtare po mendojnë sesi të blindohen në prag të turneut më të rëndësishëm kontinental të kësaj vere dhe një prej tyre është edhe Anglia. Sipas asaj që publikon tabloidi britanik ‘The Sun’, bashkëshortet e futbollistëve të Tre Luanëve po mendojnë të investojnë një shumë të konsiderueshme parash në sigurinë private. Ato përvec ekipit të sigurisë që vë në dispozicion përfaqësuesja, duan të kenë edhe truprojat e tyre personale për të cilët do të dinvestojnë 100 mijë paundë ose 116 mijë euro.