Një konflikt për motive të dobta që mund të kishte pasoja fatale, u parandalua në kohë nga policia në Kukës, dukë vënë në pranga dy persona. Mustrif dhe Besmir Murataj, babë e bir goditën me sende të forta të afërmin e tyre duke i shkaktuar dëmtime, teksa u kapën në flagrancë nga policia. Ngjarja ndodhi në hyrje të fshatit Kosharisht, aty ku dy autorët pritën 50 vjecarin me banim në Tiranë dhe më pas e dhunuan atë me sende të forta. Ky i fundit fatmirësisht nuk ka plagë serioze dhe ndodhet në gjendje të stabiluzar shëndetësore. Policia nuk sqaron motivin e konfliktit mes tre personave, por thotë se u njoftua për një konflikt në fshatin Kosharisht dhe ndërhyru për të parandaluar një ngjarje të mundshme kriminale. Dy të arrestuarit, së bashku me personin që mbeti i plagosur do pyeten nga policia lidhur me ngjarjen, teksa babë e birë pritet të dalin brenda 3 ditëve pëpara gjykatës për tu njohur me masën e sigurisë. Ndërkohë, dosja me provat materiale të mbledhura nga policia, iu referua prokurorisë së Kukësit për të hetuar ngjarjen.