Agjencia Ndërkombëtare e Vlerësimit Moody’s konfirmon për Shqipërinë vlerësimin aktual në “B1”, si dhe me perspektivën “e qëndrueshme”. Sipas Moody’s, pandemia e koronavirusit ka prekur Shqipërinë për shkak të kufizimeve të brendshme, si dhe prej ndikimit që pati në tregti dhe remitanca, faktorë kryesorë të konsumit privat. Kushtet e forta e të qendrueshme ekonomike në vitet e fundit dhe përpjekja e përbashkët nga autoritetet për të luftuar ekonominë informale kanë përmirësuar tregun e punës, por goditja e koronavirusit ka pasur një ndikim edhe në këtëaspekt. Agjensia parashikon një recension në nivelin prej 7.1% gjatë këtij viti, ndërkohë, që parashikon se ekonomia do të fillojë të ri-mëkëmbet, që prej vitit të ardhshëm (2021),ku parashikon një rritje pozitive prej 5%. Nga ana tjetwr angjensia thekson se, zbatimi i reformave në përputhje me anëtarësimin në BE, kuadri fiskal, administrat tatimore dhe mbledhja e të ardhurave janë përmirësuar gjatë viteve të fundit. Gjithashtu, Agjensia vlerëson se konsolidimi fiskal do të rifillojë vitin e ardhshëm. Rritja e të ardhurave dhe përmirësimi i cilësisë së shpenzimeve do të jenë thelbësore për rikrijimin e hapësirave fiskale, pas goditjes së koronavirusit. Ndikimi i pandemisë së koronavirusit do të rëndojë në financat publike, duke përmbysur përkohësisht përmirësimin e tyre në vitet e fundit. Megjithëse kuadri fiskal është forcuar, rreziqet fiskale mbeten. Me mbështetjen e FMN-së, Bankës Botërore dhe BERZH, sipas agjensise qeveria ka bërë progres në përmirësimin e kuadrit fiskal dhe adresimin e një pjese të mirë të rreziqeve.