Nëndetëset e marinës mbretërore britanike janë në garë me rusët për të gjetur dhe nxjerrë avionin ushtarak 135 milionë dollarësh me tekonologji top sekrete nga fundi i mesdheut. Një pilot i forcave ajrore britanike u detyrua të katapultohej nga avioni i tij F-35B Lightning që po binte në det menjëherë pas ngritjes në një stërvitje rutinë nga luftanija e marinës HMS Queen Elizabeth. Ai ishte një nga tetë avionët e shpejtë luftarakë të britanisë së madhe në bord, bashkë me 10 avionë të tjerë amerikanë. Duke rënë në ujëra ndërkombëtarë, aksidenti ka ndezur një garë për gjetjen e avionit të gjeneratës së fundit para se ai të zbulohet nga Rusia. Mendohet se kjo ëhstë hera e parë që një F35-B është rrëzuar në një zonë të tillë. Teknologjia në bordin e avionit prodhim amerikan, përfshin një radar dhe sensorë top sekret, dhe konsiderohet jashtëzakonisht sensitive pasi lejon F-35 të fluturojnë pa u pikasur në territor armik me shpejtësi supersonike. Sidoqoftë, me gjasë, Kina di gjithcka që duhet ditur për avionin përmes spiunazhit. Avioni u lokalizua të mërkurën pasdite në fund të detit dhe do ti takojë tani një ekipi të specializuar zhytjes anglo-amerikan ta nxjerrë atë që andej. Si avioni më i avancuar dhe i shtrenjtë i britanisë së madhe, F-35B Lightning mund të ngrihet dhe ulet vertikalisht dhe ka nevojë për vetëm një pistë shumë të shkurtër. Kjo ëhstë hera e parë që britania e humb atë dhe incidenti është edhe telashi i parë për flotën e marinës mbretërore dhe aeroplanmbajtësen 4 miuliardë dollarëshe që u nis nga britania e madhe shtatë muaj më parë.