Avioni luftarak F-35 që ra në mesdhe ndërsa po tentonte të ngrihej në fluturim nga aeroplanmbajtësja britanike 3.6 miliardë dollarëshe, është gjendur më në fund. Avioni që kushton 130 milionë dollarë, u zhyt në fund të detit më herët këtë muaj ndërsa po tentonte të kryente një fluturim rutinë në rajon. Ai nuk mundi të fitonte shpejtësinë e duhur dhe ra nga rampa e aeroplanmbajtëses Queen Elizabeth duke u zhytur në det ndërkohë që piloti mundi të katapultohej nga kabina dhe të shpëtonte. Incidenti ndezi një kërkim frenetik të mbetjeve të avionit dhe sigurimit të zonës së aksidentit, para se zhytësit rusë të mund të mbërrinin të parët. Është e paqartë ende se cfarë e ka shkaktuar aksidentin.