Qiejt e Greqisë u bënë portokalli të martën ndërsa re pluhuri të ardhura nga afrika e veriut, kapërcyen detin mesdhe duke mbuluar akropolin dhe monumentet e tjera të athinës. Erërat e forta jugore mbartën pluhurin nga shkretëtira e Saharasë, duke i dhënë atmosferës së kryeqytetit grek një filtër të ngjashëm me atë të planetit Mars, në orët e fundit të ditës. Ekspertët thanë se qielli do të pastrohej të mërkurën, pasi erërat të zhvendosin më tej pluhurin, por kjo do të shoqërohet me ulje të temperaturave. Të martën, temperatura maksimale ditore në pjesë të ishullit jugor të Kretës arriti në 30 gradë Celsius, 20 gradë më e lartë se temperatura e regjistruar në pjesën më të madhe të Greqisë veriore. Njerëzit dolën në mediat sociale për të shprehur habinë për qiellin portokalli që mbulonte qytetin.