Një 40-vjeçar është qëlluar për vdekje nga një makinë në ecje e sipër në Vlorë. Ngjarja e rëndë ka ndodhur rreth orës 18.00, në lagjen “29 Nëntori”, në afërsi të Bibliotekës të qytetit. 40-vjeçari Gentjan Qarri është plagosur me armë zjarri, në rrethana ende të paqarta, por për shkak të plagëve të marrë, ai ka ndërrruar jetë në spital. Sipas policisë, viktima ka qenë duke ecur në këmbë, ndërsa është qëlluar nga një makinë, teksa kjo e fundit ka qenë në lëvizje, por me shpejtësi të ulët për shkak të trafikut, por edhe shënjestrimit të viktimës.