Ministri rus i Mbrojtjes u shfaq për herë të parë në publik pas dy javësh të premten, pasi mori pjesë një takimi për buxhetin e armatimeve të Rusisë. Sipas një deklaratë të qeverisë së Kievit, Sergei Shoigu u zhduk nga sytë e publikut sepse pësoi një atak kardiak, pas një debati të ashpër me presidentin rus, i cili e fajësoi për dështimin e “operacionit ushtarak” në Ukrainë, Ministria e Brendshme të Ukrainës tha se ministri rus i Mbrojtjes pësoi një atak kardiak pas një debati me Putin dhe u shtrua në një spital ushtarak. Hera e fundit që ministri i mbrojtjes u shfaq në publik ishte në 11 mars, duke ngritur disa skenarë për një krizë në marrëdhëniet e tij me Vladimir Putin. Dy ditë më parë, më 24 mars, Shoigu u shfaq në një video me presidentin rus në pamjet e publikuara nga RIA, por nuk u dëgjua asnjë fjalë e tij. Sipas Daily Mail , për shkak të detajeve të dyshimta në vidoen e publikuar, shumë prej tyre shprehën dyshime për vërtetësinë e saj, duke lënë të kuptohet se Kremlini publikoi një video të falsifikuar për të hedhur poshtë zërat. Të enjten, zëdhënësi i Kremlinit Dmitry Peskov nuk pranoi të komentojë mbi raportet e mediave dhe spekulimet se Shoigu kishte pasur probleme shëndetësore. Sergei Shoigu është një person me dalje të shpeshta publike. Putin dhe ai janë shfaqur shpesh së bashku në udhëtimet e tyre në Siberi, duke pirë çaj ose duke mbledhur kërpudha.