Zyrtarët e sigurisë kanë zbuluar dhe arrestuar një agjent të zbulimit ushtarak rus, që po planifikonte një seri aktesh terroriste në rajonin e Odesës. Ai është arrestuar ndërsa po përpiqej të rekrutonte një person për kryerjen e këtyre sulmeve. Sipas zyrtarëve, agjenti është një i huaj që në mënyrë periodike ka vizituar Ukrainën, me misione të ngarkuara nga shërbimet speciale ruse. Eprorët e tij ishin përfaqësues të zbulimit ushtarak rus që vepron në territorin e republikës së panjohur zyrtarisht të Transdniestrisë. Detyra e tij, sipas zyrtarëve ukrainas, ishte të trazonte situatën politike në rajonin e Odesës përmes sabotazhit. Zyrtarët në ministrinë e jashtme apo atë të mbrojtjes të rusisë, nuk i janë përgjigjur kërkesave për koment. Kievi, Uashingtoni dhe kryeqytete të tjera evropiane kanë ngritur shqetësime për grumbullimin masiv të trupave ruse afër ukrainës dhe mundësinë e një sulmi të mundshëm. Por moska mohon akuzat dhe fajëson Ukrainën dhe NATO-n për rritjen e tensioneve.