Policia e Shtetit ka vënë në pranga një 43-vjeçar me precedent penal për të njëjtën veprimtari kriminale, pasi u kap në flagrancë duke transportuar emigrantë të huaj me qëllim kalimin e paligjshëm të kufirit. Gjatë operacionit, autori i dyshuar u kap teksa transportonte me automjet 6 shtetas egjiptianë, për t’i ndihmuar në kalimin e paligjshëm të kufirit, kundrejt pagesës. Në cilësinë e provës materiale u sekuestruan automjeti i përdorur për transportin e emigrantëve dhe një aparat celular. Operacioni policor i koduar “Piloti”, i zhvilluar në aksin rrugor “Milot-Morinë”, u finalizua nga specialistët e Seksionit për Hetimin e Trafiqeve, në bashkëpunim me sektorët përkatës të antidrogës dhe sigurisë rrugore. Policia vijon hetimet për zbardhjen e plotë të aktivitetit kriminal dhe për identifikimin e personave të tjerë të përfshirë në këtë rrjet.