Dy vëllezër janë arrestuar nga policia, pasi vodhën bizhuteri me vlerë 8 milionë lekë të vjetra në në argjendari. Kjo behet e ditur nga njoftimi zyrtar i policise, ku sqarohet se shërbimet e Komisariatit Nr. 2, pas njoftimit të marrë se në rrugën "Muhamet Gjollesha", dy shtetas kishin vjedhur argjendarinë në pronësi të shtetases Z. S. dhe më pas ishin larguar me një automjet tip "Benz", kanë organizuar dhe finalizuar operacionin e koduar "Brothers". Si rezultat I ketij operacioni policor u arrestuan ne flagrance dy vellezerit, A. S., 27 vjeç dhe A. S., 29 vjeç, banues në Tiranë. Sipas policise behet e ditur se të dy vellezerit e arrestuar jane të dënuar në Itali, për veprën penale "Vjedhja". Gjatë kontrollit të banesës së këtyre shtetasve u gjetën dhe u sekuestruan një sasi me lëndë narkotike kokainë, disa sende me vlerë të dyshuara të vjedhura, një sasi parash të dyshuara të përfituara nga shitja e sende me vlerë, veshjet e përdorura gjatë vjedhjes, automjeti tip “Benz” me të cilin janë larguar, 2 aparate celular dhe një sasi valute. Vijon puna për dokumentimin e vjedhjeve të tjera të ndodhura në qarkun e Tiranës, në të cilat mund të jenë të implikuar këta shtetas. Materialet iu dërguan Prokurorisë së Rrethit Gjyqësor Tiranë, për veprime të mëtejshme.