Seanca për masën e sigurisë për eksponentin e njohur të krimitt në Elbasan Ardian Çapja, i arrestuar pak ditë më parë nga policia, do të zhvillohet në mjediset e Kardiologjisë në QSUT, ku ai është shtruar për shkak të problemeve shendetësore. Gjyqtarët e Elbasanit do të udhëtojnë drejt Tiranës për të caktuar masën e sigurisë për 53-vjeçarin. Ardian Çapja u arrestua dy ditë më parë, si i dyshuar për vrasjen e babë e bir, Gentian dhe Nezir Beqiri në vitin 2012, ndërsa është shpallur në kërkim vëllai i tij Florenc Çapja. Të martën aiështë shtruar në spital për t’iu nënshtruar një ndërhyrjeje kirurgjikale në zemër, për shkak të problemeve që shfaqi pas arrestimit. Gentian dhe Nezir Beqiri u vranë në banesën e tyre. Gentiani në atë kohë ndodhej në “Arrest shtëpie” dhe ruhej me dy policë, pasi akuzohej si autor i vrasjes së biznesmenit të njohur Sokol Çapja, ngjarje kjo e ndodhur në dhjetor të vitit 2005, ku dyshohet se ai u pagua nga fisi i Çelajve. Autorët hyn brenda në banesën e familjes beqiri me pretendimin se ishin miq t saj, por sapo hyn shkuan dhe ekzekutuan Gentianin në krevatin ku ai qëndronte i paralizuar. Më pas, babin e tij, Nezirin e goditën me thikë duke e lënë edhe atë të vdekur. Vrasja e Gentian Beqirit ishte zinxhir i një seri vrasjesh në Elbasan. Zanafilla nis në vitin 2005, pas përplasjes së ish shefit të qarkullimi rrugor të Elbasanit, Fadil Mema dhe Sokol Çapjas, ky i fundit mbeti i vrarë. Disa muaj më pas, në maj të 2006, vritet kunati i Memës, Ardian Ibrahimi. Ngjarja tjetër e rëndë, do të ishte ajo e vrasjes së Gentian dhe nezir beqiri, në 2012. 3 vite më pas, përplasjet u zhvendosen në Itali, aty ku jetonte dhe punonte Fadil Mema, si gazetashitës. Ai u ekzekutua në Torino në vitin 2015. Një vit më pas, në një ambient ku qëndronin familjar të fisit Çapja dhe miq të tyre ndodhi ajo që njihet si “Masakra e Elbasanit”. Dy persona të armatosur hapën zjarr me breshëri plumbash, duke lënë të vdekur tre persona, mes tyre Agron Çapjan. Në prill të 2016, ekzekutohet në një hotel në tiranë, Dritan Sheme, i afërm i Fadil Memës. Kujtojmë se Florenc Çapja, i akuzuar për atentatin ndaj Memës, arriti t’i shpëtonte drejtësisë në vitin 2019, kur gjykata e Elbasanit, vendosi të pushojë çështjen ndaj tij.