Kancelarja në largim e Gjermanisë, Angela Merkel u bëri thirrje gjermanëve që të vaksinohen kundër koronavirusit. Këto komente Merkel i bëri përmes një video-mesazhi, që do të jetë i fundit që ajo e lëshon si kancelare e Gjermanisë Të dashur qytetarë, kjo është hera e fundit që ju drejtohem në këtë mënyrë. Hera e parë që e bëra këtë ishte më shumë se 15 vite më parë. në atë kohë, ishte thuajse e jashtëzakonshme që një kryetar qeverie ti drejtohej publikut direky nga interneti. Dhe unë, nuk mund ta besoja atëherë, nëse ndokush do të kish bërë llogaritë, se do të ishin më shumë se 600 episode të tilla E ndërsa vendi është përfshirë nga vala e katërt e pandemisë, Merkel ka këtë apel për gjermanët. Ne e gjejmë veten në mesin e një vale të katërt të pandemisë, në një situatë shumë serioze që mund të cilësohet madje edhe dramatike në disa pjesë të vendit. E kjo është për të ardhur keq, pasi mund të evitohej. Me vaksina të sigurta dhe efikase si ato që ne kemi në dorë. Ndaj ju lutem edhe një herë ta merrni seriozisht këtë virus. Vaksinohuni. Nuk ka rëndësi nëse është vaksinë e parë apo përforcuese. Vaksina është e nevojshme dhe do të na ndihmojë ta hedhim pandeminë pas shpine Kjo thirrje erdhi dy ditë pasi liderët federalë dhe shtetërorë vendosën mbi masat e reja, që kanë për qëllim të frenojnë një valë të re infektimesh me koronavirus. Masat e reja përfshijnë përjashtimin e të pavaksiunuarve që të vizitojnë dyqanet jothelbësore, restorantet dhe objektet sportive dhe kulturore. Ndërkaq, Parlamenti do të shqyrtojë mundësinë që ta bëjë të detyrueshëm vaksinimin.