Omicron varianti më i ri i Covid 19 ka ngritur alarm në të gjithë botën, pas shfaqjes së rastve të para në gjermani dhe itali. Shkencëtarët deri tani, dinë shumë pak rreth këtij mutacioni të virusit dhe nuk e parashikojnë dot ndikimin që do ketë në shoqëri. Për këtë shkak shumë qytetarë janë nën frikën e mutacionit të ri. Shefi ekzekutiv i kompanisë BioNTech dhe krijuesi I vaksinës Pfiezer, Ugur Sahin u shpreh për agjencinë Reuters se vaksina e krijuar për COVID-19 nga BioNTech dhe Pfizer ka të ngjarë të ofrojë mbrojtje të fortë kundër çdo sëmundjeje të rëndë nga varianti i ri Omicron i virusit. Sipas tij, në dy javët në vijim do të përfundojnë testet laboratorike për të analizuar gjakun e njerëzve që kishin dy ose tre doza të vaksinës të BioNTech-ut për të parë nëse antitrupat e gjetur në gjak çaktivizojnë Omicronin, duke hedhur dritë mbi mundësinë nëse do të nevojiten vaksina të reja. Nga ana tjetër, ai cilësoi si sëmundje e rëndë vetëm ato rastet ku një pacient kërkon medoemnos kujdes spitalor intensiv. Sahin u shpreh se marrja e një vaksine të tretë përforcuese ka të ngjarë të japë një shtresë mbrojtjeje kundër infeksionit Omicron të çdo ashpërsie në krahasim me vetëm dy doza të vaksinës.