Komisioni i Ligjeve mbylli procedurën e shqyrtimit të listës së kandidatëve për anëtarë të një vakance të plotë në Gjykatën Kushtetuese dhe e miratoi vetëm me votat e mazhorancës atë. Në përfundim të votimit, Marjana Semini dhe Ardian Dvorani do të kalojnë për votim në seancë plenare, ndërsa Gent Ibrahimi, që ishte njëkohësisht në garë për këtë vakancë u përjashtua pasi u zgjodh më herët në një vakancë të hapur nga Presidenti i Republikës.