Para mbajtjes së tre konferencave ndërqeveritare me Shqipërinë, Moldavinë dhe Ukrainën, komsioneria europiane e zgjerimit, Marta Kos pati një prononcim për mediat, ku u ndal tek shtyllat kryesore ku bazohen politikat e reja të para-anëtarësimit. “Për mua, janë të rëndësishme tri pika. Së pari, duhet të sigurohemi që, kur të kemi anëtarë të rinj, ata të respektojnë rregullat. Po flas për mekanizmat mbrojtës që garantojnë mbrojtjen e demokracisë sonë dhe, shpresojmë, të parandalojnë regresin demokratik. Pika e dytë është nevoja për një proces vendimmarrjeje më fleksibël në këto kohë gjeopolitike. Duhet të jemi më të shpejtë dhe më të aftë për t'u përshtatur. Për këtë arsye, ne propozojmë disa hapa për zgjerimin e përdorimit të votimit me shumicë të cilësuar. Pika e tretë është po aq e rëndësishme: duhet t'i përmbahemi parimit të bazuar në merita, i cili është i domosdoshëm. Nga ana tjetër, ky proces kërkon kohë. Prandaj, duhet të zbatojmë atë që ne e quajmë integrim gradual të përforcuar. Kjo nënkupton krijimin e mundësive për atë që unë e quajta “Evropë përpara anëtarësimit.”