Paraditen e kësaj të mërkure, Carlo Ancelotti është shfaqur në ambientet e Gjykatës së madridit teksa nisi raundi i dytë i procesit për trajnerin italian që akuzohet për mashtrim fiskal. Bashkë me Ancelottin ishte edhe bashkëshortja Mariann Barrena dhe djali i tij Davide që cilët ishin në cilësinë e dëshmitarit Në shkallët e gjykatës ishin të shumtë gazetarët që prisnin për një prononcim të teknikut të Los Blancos. ‘asnjë pakt, jam këtu për të bërë deklaratën time dhe kam besim të plotë te drejtësia-ishin fjalët e Ancelottit për median-nuk jam i shqetësuar, jam i qetë dhe i sigurt për arsyet e mia’. Cështja është e tillë; organet tatimore në Spanjë theksojnë se në 2015, kur Ancelotti u shkarkua nga Reali i Madridit, koha e tij në Madrid ishte më e gjatë nga sa kishte deklaruar dhe për këtë arsye e gjobitën me 1.2 milionë euro. Ancelotti e pagoi këtë shifër dhe apeloi, me trajnerin italian që fitoi. Por organet tatimore nuk duan t’ia kthejnë këtë shifër dhe për këtë arsye kanë apeluar dhe tani Ancelottin e presin tre ditë gjykimi për këtë cështje