Presidenti Joe Biden shprehet i habitur nga kundërshtimi i vazhdueshëm i disa amerikanëve për t’u vaksinuar kundër koronavirusit, veçanërisht mes republikanëve që kundërshtuan zgjedhjen e tij si president."Sinqerisht mendova se, pasi të kishim vaksina të mjaftueshme për të gjithë, gjendja do të fillonte të qetësohej," ka thënë shefi i Shtëpisë së Bardhë për një media vendase. "Dhe në fakt është qetësuar mjaft", shtoi ai. Megjithatë, Biden pohoi për ABCNeës se nuk arrin ta kuptojë “ këtë lloj maskuliniteti në shprehjet ‘nuk do ta bëj vaksinën. Kam të drejtën si amerikan, kam lirinë time për të mos e bërë vaksinën'.“Atëherë përse nuk tregohesh patriot? Të mbrosh njerëzit e tjerë ”, tha Biden. presidenti, që vetë është vaksinuar tashmë, theksoi se me shembullin e tij personal kërkoi t`i tregonte amerikanëve se vaksina është e sigurt. Nga ana tjetër, edhe për atë vetë ky është një lehtësim, pasi tani sic tha “ mund t'i përqafojë nipërit e tij”. “Ata vijnë më vizitojnë, mund t'i shoh dhe jam në gjendje të rri me ta", tha presidenti. Rreth 13% e amerikanëve të rritur, më shumë se 35 milionë amerikanë janë vaksinuar plotësisht. Ish Presidenti Donald Trump dhe gruaja e tij Melania u vaksinuan të dy para se ai të largohej nga detyra. Por tre sondazhe të fundit kombëtare tregojnë se republikanët që votuan për Trump kishin më shumë rezerva për t'u vaksinuar sesa demokratët që mbështetën Biden. Një sondazh i universitetit Monmouth zbuloi se 59% e republikanëve ishin ose në mëdyshje për t'u vaksinuar ose thanë se nuk do të vaksinoheshin kurrë. Vetëm 23% e demokratëve ndanin të të njëjtin mendim.