Aksionet e Alibaba u rritën me më shumë se 6 për qind një ditë më parë pasi miliarderi dhe themeluesi i grupit, Jack Ma, u raportua në një udhëtim në evropë, duke ndezur kështu shpresën e investitorëve se më e keqja e përndjekjes nga rregullatorët kinezë për gjigandin e internetit, mund të ketë përfunduar. Jack Ma ka mbajtur një profil të ulët që kur zyrtarët kinezë ndalën atë që do të kishte qenë një rekord botëror në prezantimet fillestare publike prej 37 miliardë dollarësh, për grupin financiar të Alibaba, Ant, nëntorin e kaluar. Vendimi shokues ndezi atë që u bë një seri goditjesh nga ana e autoriteteve kineze mbi një numër industrishë teknologjike dhe të tjera, që konsiderohej se ishin bërë shumë të fuqishme, të parregulluara ose monopole.