Nëntë vite me vonesë dhe me probleme buxheti, aeroporti i ri ndërkombëtar i berlinit do të hapet më në fund të shtunën, në mesin e një pandemie globale që ka gjunjëzuar udhëtimin nga ajri. “Ne jemi gati të nisim punën”, insistojnë drejtuesit drejtuesit e aeroportit të ri të Berlinit Brandenburg, që do të zëvendësojë aeroportin Tegel dhe Schoenefeld, tashmë të vjetëruar. Por, atmosfera nuk është fort e mirë. Që kur punimet nisën në 2006, projekti është shoqëruar nga një dështim pas tjetrit, duke u bërë një vrimë e zezë financiare dhe një objekt barsaletash në vend. Aeroporti, i vendosur në jug lindje të kryeqytetit fillimisht duhej të hapej në 2011. Tani ai po i hap dyert në mesin e krizës më të rëndë që industria e aviacionit ka parë në histori, ndërsa kufizimet për shkak të koronavirusit vazhdojnë të mbysin udhëtimin ajror. Dhe sikur kjo të mos mjaftonte, është edhe kriza e klimës. Grupi i aktivistëve Extinction Rebellion, po planifikon akte mosbindjeje civile në ditën e hapjes së aeroportit për të protestuar kundër pasojave të aviacionit në ngrohjen globale.