Top News- Abramovich, nga jetim, në miliarder/Oligarku që mposhti varfërinë e turbulencat politike

Roman Abramovich mbeti jetim në moshën trevjeçare, por fati deshi që ai të shndërrohej në një nga njerëzit më të pasur në botë. Momentalisht, oligarku rus ka qenë në qendër të vëmendjes për lidhjet me Vladimir Putin, rolin si negociator paqeje mes Kievit dhe Moskës dhe helmimit me agjentë kimikë gjatë këtyre bisedimeve. Padyshim ajo çka po ndodh me supermiliarderin rus, mund të jetë një nga momentet më të vështira në jetën e tij, por ai ka kapërcyer edhe sfida më të mëdha më parë. Abramovich lindi në Saratov në Rusinë jugperëndimore në vitin 1966. Nëna e tij, Irina, vdiq nga helmimi i gjakut kur ai ishte një vjeç, ndërsa babai i tij vdiq dy vjet më vonë në një aksident me një vinç ndërtimi. Pas kësaj, Abramovich u rrit në varfëri ekstreme. Ai la shkollën në moshën 16-vjeçare, punoi si mekanik dhe shërbeu në Ushtrinë e Kuqe, përpara se të shiste lodra plastike në Moskë.