Dy shpërthime janë dërgjuar në qytetin rus Belgorod, afër kufirit me Ukrainën të dielën, sipas dëshmitarëve që kanë folur për agjencinë e lajmeve Reuters, pak ditë pasi autoritetet ruse akuzuan forcat ukrainase se kishin qëlluar një depo karburantesh atje. Shkaku i shpërthimeve nuk është bërë ende i qartë. Një dëshmitar tha se shpërthimet ishin aq të fuqishme sa që u shkundën edhe banesat në Belgorod. Vetëm dy ditë më parë, ministria ruse e mbrojtjes tha se dy helikopterë ushtarakë ukrainas kishin qëlluar një depozitë karburanti në qytetin rreth 35 km larg kufirit me Ukrainën, pasi hynë në rusi në një lartësi ekstremisht të ulët, orët e para të së premtes. Kremlini tha se incidenti mund të dëmtonte përpjekjet e paqes ndërsa një zyrtar i lartë ukrainas i sigurisë mohoi përgjegjësinë. Një zyrtar lokal nga rajoni rreth Belgorodit, tha se kishte patur një shpërthim në fshatin Tomarovka të dielën por se askush nuk ishte dëmtuar dhe asnjë pronë nuk ishte dëmtuar. “Pati një shpërthim” tha Oleg Medvedev, kryebashkiak i Yakovlevskit, në periferi të Belgorodit. Ai nuk dha më shumë detaje për shpërthimin dhe mbetet e paqartë nëse Medvedev dhe dëshmitarët e tjerë flisnin për të njëjtin rast.