Rezultatet paraprake për zgjedhjet parlamentare të 9 shkurtit në Kosovë tregojnë se Lëvizja Vetëvendosje ka fituar rreth 41 për qind të votave, pa mundur të përsërisë suksesin e vitit 2021 kur mori mbi 50 për qind. Me 21.99 për qind të votave, e dyta u rendit Partia Demokratike e Kosovës, ndërkaq e treta është Lidhja Demokratike e Kosovës me 17.68 për qind të votave. Aleanca për Ardhmërinë e Kosovë fitoi 7.65 për qind të votave. Lista Serbe ka fituar 4.05 për qind të votave, që nënkupton shumicën e votave të komunitetit serb në garë me pesë subjekte të tjera politike që garuan për votat e këtij komuniteti. Por, këto shifra, krijojnë paqartësi për përbërjen e re të Kuvendit, por edhe të ekzekutivit të ri, vlerësojnë analistët. Vetëvendosje është qartazi partia që ka marrë më shumë vota, por a do të mundet ajo të formojë qeverinë.. Kuvendi i kosovës ka 120 deputetë, nga të cilët, 20 janë vende të garantuara për komunitetet jo shumicë. 10 prej këtyre të fundit i shkojnë komunitetit serb.