Edhe pse BE i ftoi të dy në Bruskel. Kryeministri i Kosovës, Albin Kurti, ka thënë se ende nuk ka vendosur për takim me presidentin e Serbisë, Aleksandar Vuçic. Pas rrëmbit të tre policëve, Bashkimi Evropian I bëri thirrjë të dy liderëve që të shkojnë në Bruksel për takim javën e ardhshme. Nga Forumi i Prespës, Kurti ka deklaruar se do t’i përgjigjet me kohë shefit të politikës së jashtme të BE-së, Josep Borrell, kur ta marrë ftesën. “Nuk kam vendosur ende, por do t’i përgjigjem në kohë të duhur zotit Borrell, sepse ai nuk na ka ftuar në një takim këtë mbrëmje. Është javën e ardhshme”, ka deklaruar Kurti. Në këtë forum, Kurti ka bërë thirrje që bota ta dënojë agresionin e Serbisë, pasi rrëmbeu tre policë të Kosovës brenda territorit të vendit. Ai po ashtu ka kritikuar KFOR-in për mospozicionim në rastin e incidentit. Një ditë më parë, Borrell bëri të ditur se do të ftojë Kurtin e Vuçicin në një takim javën e ardhshme në Bruksel. Ai cilësoi takimin si thirrje për “menaxhim krize” pas tensioneve në veri të Kosovës.