Oborri mbretëror në Britaninë e madhe po kërkon punonjës të kualifikuar dhe me procesin duket se po merret vetë mbretëresha Elizabetë. Në faqen zyrtare të familjes mbretërore, Royal Household, është postuar njoftimi që përmban përshkrimin e detyrës, kërkesat specifike dhe pagën e ofruar. Bëhet fjalë për një mbikqyrës të pallatit të Buckinghamit, që do të punojë jo më shumë se 37.5 orë në javë, ose pesë orë në ditë, me një pagë vjetore që nis nga 50 mijë deri në 70 mijë euro. E kjo ndodh pasi një 19 vjecar, tentoi pak kohë më parë të hynte në Kështjellën e uindsorit, brenda të cilit në ato momente ndodhej edhe mbretëresha Elizabetë, princi Charles dhe bashkëshortja e tij Kamila. Ndaj nuk është për tu habitur që familja mbretërore kërkon një punonjës të ngarkuar për sigurinë e anëtarëve të saj. E padyshim, duke patur parasysh edhe pagën që ofrohet, puna është shumë joshëse dhe një mundësi fantastike për tu bërë pjesë e historisë qindra vjecare të pallatit të Buckinghamit.