Në një samit të jashtëzakonshëm, në të cilën mori pjesë edhe presidenti Joe Biden, udhëheqësit e aleancës ushtarake perëndimore të NATO-s kanë rënë dakord të forcojnë mbrojtjen në Europën Lindore në përgjigje të pushtimit rus të Ukrainës. Kreu i Aleancës Jens Stoltenberg, thotë se pushtimi i Ukrainës nga Putini ka ndryshuar mjedisin e sigurisë për një kohe të gjatë duke bërë që NATO të jetë i detyruar të përgjigjet. Ai rithekson se aleanca ka rritur praninë e saj në lindje dhe sot ka rënë dakord për katër grupe të reja beteje që do të dërgohen në Sllovaki, Hungari, Bullgari dhe Rumani. Stoltenberg thotë se aleanca ka vendosur njesitë e Forcës së Reagimit të NATO-s dhe 40,000 trupa në Lindje të Evropës. Ai thotë se ka një "realitet të ri sigurie”, duke njoftuar blindimin e Evropës Lindore.