Rreth 50 njerëz ka të ngjarë të kenë humbur jetën si pasojë e tornadove shkatërruese që goditën Kentakin dhe shtetet e tjera të SHBA-së, ë orët e para të mëngjesit. “Ne besojmë se numri i vdekjeve nga kjo ngjarje do të kalojë 50, ndoshta do të përfundojë afër 70 deri në 100 jetë të humbura”, tha guvernatorit i shtetit, Andy Beshear, në një konferencë të shtunën në mëngjes, duke i quajtur stuhitë që goditën shtetin “ngjarja më e rëndë në Kentaki në dekadat e fundit. Hetimet paraprake tregojnë se katër tornado mund të kenë goditur shtetin, duke përfshirë një që ka qëndruar potencialisht në tokë për më shumë se 200 milje, tha Beshear. Dëme janë raportuar në të paktën 15 qarqe që shtrihen në të gjithë shtetin Por numri i viktimave mund të shkoj deri në 100, sipas zyrtarëve. Në Tenesi, 3 persona kanë humbur jetën ndërsa një person ka vdekur dhe 5 të tjerë janë plagosur në një azil në Monet, në veri të Arkansas, sipas zyrtarëve lokal. Në Illinois, rreth 150 persona janë bllokuar pas shembjes së një magazinë të Amazon. Kentaki shpalli gjendjen e jashtëzakonshme, duke theksuar se kjo është një nga katastrofat më të mëdha që ka goditur SHBA-në gjatë viteve të fundit.