Ani Begaj, i dënuari me 35 vite burg për Masakrën e Çoles në Vlorë, këtë të shtunë doli para trupës gjykuese për tu njohur me dënimin e formës së prerë. Ai u arrestua pak ditë më parë së bashku me kushëririn e tij Elton Begaj në Vlorë, ndërsa prej vitesh ishin shpallur në kërkim nga policia. Efektivët e Vlorës kishin marrë inforamcione se dy persona po qarkullonin me armë zjarri në qytetin bregdetar, ndërsa menjëherë pas kësaj, ata ushtruan kontrolle në zonën ku u informuan për një gjë të tillë, dhe arrstuan në flagrancë Anin dhe Eltonin. Për këtë të fundit, gjykata vendosi arrest në burg, ndërsa dënimi do të jepet në një tjetër seancë. Ani dhe Elton Begaj akuzohen si të përfshirë në masakrën e Çolës të ndodhur në muajin prill të vitit 2015 në Vlorë, ku tre djem të rinj mbetën të vdekur , pas një sherri në kazino. Viktimë e sherrit mbetën Albi Limaj, Haki Rakipi dhe Ardi Velaj. Policia arrestoi si autorë të masakrës Aleksandër Llanaj dhe shpalli në kërkim Ani Begaj dhe Bertil Aliaj. Gjatë seancave të gjata, u dënua me burgim të përjetshëm Aleksandër Llanaj, ndërsa Ani Begaj dhe Bertil Aliaj u dënuan me nga 35 vjet burg në mungesë.