Dhërmiu rrezikohet nga flakët të cilat prej 3 ditësh kanë përfshirë malin e Çikës. Situata është jashtë kontrollit pasi flakët përhapen me shpejtësi të favorizuara nga era. Ndërkohë që në orët e para të ditës dhe në vijim janë zjarrëfiksit e Himarës që qendrojnë nga zona e fshatit Dhërmi per ta mbajtur në kontroll, teksa në Palasë janë punonjësit e ADZM-së. Prej së martës dhe deri më tani në malin e Cikës janë djegur disa hektarë me shkurre dhe pemë të thata ne një vijë prej 3 km. Ditën e enjte në orët e para do te ndërhyet me ushtarë të FA, ku sipas prefekturës së Vlorës do të jenë 60 ushtarë. Nga tymi që ka përfshirë këtë zonë, ka larguar dhe pushuesit nga plazhi, pasi era që fryn nga jugu tymin e ka drejtuar në plazh ku ka pas dhe shumë pushues të cilët janë larguar nga kjo re tymi si dhe kanë anuluar prenotimet. Situata në Malin e Çikës është kthyer në problematike pasi ndërhyrja në vatrën e zjarrit është mjaft e vështirë. Largësia e vatrës mbi nivelin e detit prej 800-900 metra është një tjetër problematikë që pengon shuarjen e zjarrit. Zjarri në Malin e Çikës ka djegur në ditën e tij të parë 2 hektarë tokë, në ditën e tij të dytë 4 hektarë ndërsa ditën e sotme janë djegur 7 hektarë.