Instituti Kombëtar I Shëndetësisë Publike të Kosovës, ka bërë me dije se në 24 orët e fundit, 24 persona kanë humbur jetën si pasojë e covid 19. Shifër kjo, që vijon të jetë në rritje dita ditës. Sipas njoftimit zyrtarë bëhet me dije se po në 24 orët e fundit janë kryer 10 mijë e 614 testime nga të cilat 890 qytetarë kanë rezultuar pozitiv me covid-19. Po në këtë hark kohor janë shëruar 1 mijë e 712 qytetarë, ndërsa numri i përgjithshëm i të shëruarve është 123 mijë e 852 që prej fillimit të epidemisë. Ndërkohë, në total numri i rasteve aktive është 26 mijë e 688 në të gjithë vendin. Ministria e Shëndetësisë bëri me dije se në 24 orët e fundit janë dhënë 19 miijë e 526 doza të vaksinës kundër covid-19. Prej fillimit të vaksinimit në të gjithë Kosovën janë dhënë 922 mijë e 623 doza të vaksinës. Deri më tani, 307 mijë e 467 qytetarë janë vaksinuar me të dyja dozat.