Kosova po shënon 23 vjetorin e epopesë së ushtrisë clirimtare të vendit, me homazhet e përvitshme në kompleksin e jasharajve në Prekaz ku nuk kanë munguar liderët e institucioneve dhe ata të partive politike, por edhe qytetarë nga i gjithë vendi. Një manifestim në nder të epopesë së UCK, është zhvilluar edhe nga Forca e Sigurisë së Kosovës, ku ushtruesja e detyrës së presidentit, Vjosa Osmani, vlerësoi rezistencën e komandantit Adem Jashari, familjes së tij dhe gjithë banorëve të Prekazit, që sipas saj, përcoi mesazhin e qartë se liria nuk ka kompromis. “Sot 23 vjet më parë në Prekaz familja Jashari luftoi për të mbrojtur familjen, Prekazin dhe gjithë Kosovën, duke dhënë shembullin e rrallë në historinë e një familje që bëri sakrificën më sublime që ne sot të gëzojmë lirinë dhe pavarësinë. Prekazi i Ademit është bërë referencë e lirisë, rast unikat në historinë e re te njerëzimit, kur një familje sakrifikohet për të mirën e përgjithshme, për lirinë e vendit” Por në anën tjetër, ajo që është përsëritur cdo përvjetor të fundit, është apeli për të ndërhyrë tek Kullat e Jasharajve, të cilat janë në gjendje të rëndë. Dora e shtetit po mungon në ruajtjen dhe konservimin e këtyre kullave simbol, që ato të mos shemben. “Institucionet është dashur të merren me këtë. Fatkeqësisht nuk kanë punuar mjaftueshëm deri tani.” “Këtu shteti ka neglizhuar çdo gjë. Ky vend është dashur të bëhet në lule, por gjithsesi është mjerim me pa në këtë gjendje këto kulla. “Gjithçka është e lidhur rreth këtij vendi dhe kësaj familje. Kur e them këtë është se në Prekaz u derdh gjaku, por edhe ai vend nga i cili erdhi liria e Kosovës... Punimet për rikonstruktimin e kullave të jasharajve duhej të nisin në 2019 bazuar në një vendim të qeverisë së atëhershme. Por ende asgjë nuk ëhstë bërë në këtë drejtim.