Kosova prej disa javesh po përballet me një rritje të numrit të rasteve të reja me koronavirus. Ministria e Shëndetësisë në Kosovë ka bërë me dije se gjatë 24 orëve të fundit 19 persona kanë humbur jetën. Një numër ky më I ulët në krahasim me disa ditë radhazi. Numri i rasteve të reja po ashtu ka pësuar një ulje të ndjeshme, ku në 24 orët e fundit janë regjistruar 703 raste të reja, nga 10 mijë e 851 testime të kryera. Po në këtë hark kohorë, janë shëruar 2 mijë e 255 qyetarë, duke e çuar numrin e përgjithshëm të të shëruarve në 131 mijë e 930. Ndërkohë, në të gjithë vendin janë mbi 20 mijë raste aktivë me covid 19. Nga ana tjetër, Shërbimi Spitalor Klinik dhe Universitar i Kosovës, bëri me dije se të enjten në spitalet dhe klinkat e Kosovës, janë të shtrirë 1 mijë e 1 pacientë të infektuar me koronavirus. Prej tyre 78 janë në gjendje të rëndë, ndersa 922 po trajtohen ne oksigjenoterapi.