Inteligjenca amerikane ka ngritur alarmin se Rusia mund të nisë një ofensivë ushtarake në Ukrainë brenda disa muajsh, pasi po grumbullon deri në 175,000 trupa përgjatë kufirit. Sipas CNN, forcat ruse kanë aftësi për të kryer një pushtim të shpejtë dhe të menjëhershëm, duke përfshirë ngritjen e linjave të furnizimit si njësitë mjekësore dhe karburantin që mund të mbështesin një konflikt të zgjatur, nëse Moska zgjedh të pushtojë Ukrainën. Zyrtarët thanë se nivelet aktuale të pajisjeve të stacionuara në zonë mund të furnizojnë forcat e vijës së parë për shtatë deri në 10 ditë dhe njësi të tjera mbështetëse deri në një muaj. Gjetjet e inteligjencës, të raportuara fillimisht thonë se Rusia mund të fillojë ofensivën "që në fillim të vitit 2022" me 100 batalione.