Dënimet për zjarrvënësit do të ashpërsohen pas betejës me flakët masive të zjarrit që pushtuan disa zona të Shqipërisë sidomos gjatë muajit gusht. Ministri i drejtësisë, Ulsi Manja detajoi elementët cilësues që do të shtohen në rastet e gjykimit të zjarrëvënies. Manja: “Ne propozojmë që të shtohen dhe dy paragrafë duke futur si element cilësues të kryerjes se kësaj vepre, kur vepra kryhet në kohë, në një kohë kur kushtet e motit ose terreni rrisin ndjeshëm rrezikun e përhapjes dhe vështirësojnë marrjen e masave për shuarjen e tyre. Ose kur kryhet pranë qendrave apo vendeve të banuara dhe në këtë rast dënimi do të jetë i ashpër nga tre deri në tetë vjet burg dhe si rrethanë cilësuese përsëri tek ky nen ne parashikojmë kur shkatërrimi i pronës me zjarr si element cilësues kryhet brenda zonave të mbrojtura apo prek objektet trashëgimisë kulturore, objektet e kultit, monumentet kulturës, apo kur cënon infrastrukturën kritike. Edhe këtë rast, dënimi do të jetë nga 4 deri në 10 vjet burg.”