Në veri është sulmuar me armë zjarri një automjet i Policisë së Kosovës. disa persona kanë qëlluar me armë zjarri në drejtim të patrullës policore e cila ka qenë me detyrë zyrtare në Banjskë – Izvor të komunës së Zvecanit. Nuk raportohet për zyrtar policor të lënduar, përveç dëmeve materiale të shkaktuara në veturën e Policisë së Kosovës, përkatësisht në dritare. Njësitet policore kanë nisur hetime intensive, duke arritur të identifikojnë një veturë të dyshuar të braktisur në një rrugë malore në distance prej rreth 250 metra larg, e cila dyshohet se mund të jetë e përfshirë në rast. Po ashtu në afërsi të automjetit të dyshuar janë gjetur gjurmë te personave të dyshuar të cilët kanë ikur në drejtim të panjohur. dyshohet se automjeti ka pasur targa që fallco. Policia e Kosovës njofton se mbetet e përkushtuar në realizimin e detyrave dhe autorizimeve ligjore në interes të sigurisë dhe rendit kushtetues të Republikës së Kosovësë.