Zv. Ministri i jashtëm rus Sergei Riabkov njoftoi sot në një konferencë shtypi listën e propozimeve të sigurisë për NATO-n dhe SHBA, duke kërkuar ndalimin e veprimeve të tyre armiqësore. Dy propozimet ruse iu dorëzuan dje Karen Donfried, asistente e departamentit amerikan të shtetit për çështjet evropiane e euroaziatike. Ato parashtrojnë pozicionin e Rusisë mbi atë që duhet të bëhet për reduktimin e tensioneve, që prej disa vitresh duket se rriten për arsye të pakuptueshme. “Këto dy tekste nuk janë një menu nga të cilat mund të zgjedhësh atë që preferon. Ajo janë plotësuese ndaj njëra-tjetrës dhe duhet të konsiderohen si një e plotë”, tha Riabkov. Një dokument trajton marrëdhëniet e veçanta Rusi-SHBA ndërsa tjetri marrëdhëniet e Rusisë me të gjithë bllokun e dominuar nga Uashingtoni. Përgjigja e NATO-s ishte vetëm pranimi i marrjes së propozimeve dhe ripërsëritja e akuzave se fajin për rritjen e tensioneve e ka Moska. Rabkiov shtoi se SHBA e NATO duhet të heqin dorë nga qëndrimet akuzuese dhe të marrin seriozisht propozimet.