Një zjarr tragik në një ndërtesë apartamentesh banimi në Bronx, New York, ka vrarë të paktën 10 të rritur e nëntë fëmijë, ndërsa rreth 200 zjarrfikës ishin thirrur në vendngjarje. Pamje të rënda nga skena tregonin viktima që merreshin me barrela dhe zjarrfikës që ngjiteshin me shkallë në dritaret e ndërtesës. Raportimet fillestare thonin se flakët kishin nisur në një apartment në katin e tretë por nuk është ende e qartë se çfarë e shkaktoi atë. Zjarri ishte izoluar nga kate të tjera të ndërtesës 20 katëshe në rrugën Tiebout Avenue në Bronx. Kreu i zjarrfikësve Frank Dëyer, tha se tragjedia kishte nisur dje pranë mesditës. “Kemi punonjës në të gjithë ndërtesën, por ajo është nga më pak të mbrojturat nga zjarri dhe alarmet thuajse nuk ekzistojnë”. Eric Adams, kryebashkiaku i New York City e përshkruante zjarin si "një nga më të rëndët" më historinë e qytetit.