Një zjarr i frikshëm i nisur të dielën ka shkatërruar një pjesë të madhe të parlamentit të Afrikës së Jugut. Por pas vënies nën kontroll sot nga zjarrfikësit, sot flakët u ringjallën përsëri. Policia konfirmoi se ka ndaluar një 49-vjeçar për nisjen e qëllimshme të flakëve, të cilat rrezikojnë shumë thesare kombëtare në ndërtesë. Mëngjesin e sotëm zjarrfikësit thanë se kishin vënë nën kontroll flakët më të cilat kishin luftuar gjithë natën. Por pasdite, zëdhënsi i zjarrfikësve tha se flakët kishin rinisur në çatinë e ndërtesës së Asemblesë Kombëtare. Vetëm pak zjarrfikës kishin mbetur ende në detyrë, nga rreth 70 që kishin luftuar fillimisht me flakët. Në pamje punonjësit shihen që përdorin një vinç për të drejtuar pompat e ujit në vatrat e zjarrit. Parlamenti i parë i Afrikës së Jugut mban disa nga thesaret më të çmuara të botës. Nuk janë raportuar viktiam nga incidenti por dëmet ishin shumë të mëdha.