"Tani kemi humbur gjithçka," thotë Nancy Rodriguez, pas një zjarri masiv në kampin e qytetit verior Ikuike që dogji të paktën 100 shtëpi. Zjarri nisi të hënën në kampin e improvizuar dhe ka lënë të pastrehë rreth 400 njerëz sipas autoriteteve. "Rreth 100 banesa janë shkrumbuar nga zjarri në Laguna Verde, dhe si pasojë janë dëmtuar rreth 400 persona," tha kreu rajonal i Tarapacá, 1,800 km larg kryeqytetit Santiago. Laguna Verde ndodhet në një kodër pranë qytetit të Ikikue dhe ka qenë një komunitet i improvizuar banimi, i varfer dhe pa shërbimet bazë. Banesat ishin ndërtuar me materiale të buta dhe brenda disa orësh zjarri kaloi nga një shtëpi te tjetra. "zjarri u përhap shumë e shpejtë, dhe terreni i pjerrët vështirësonte aksesin e zjarrfikësve dhe punonjësve të emergjencës”, tha komandanti Horge Medina.