Një skemë e dyshuar vjedhjeje brenda një banke ka çuar në arrestimin dhe pezullimin nga detyra të 12 personave, mes tyre drejtues dhe punonjës të një dege bankare në Tiranë. Me kërkesë të Prokurorisë pranë Gjykatës së Shkallës së Parë të Juridiksionit të Përgjithshëm, Tiranë, gjykata ka caktuar masa sigurie “Arrest në burg”, “Arrest në shtëpi” dhe “Pezullim nga detyra” ndaj 12 shtetasve, të dyshuar për veprat penale “Vjedhja duke shpërdoruar detyrën”, “Falsifikimi i dokumenteve” dhe “Falsifikimi kompjuterik”.