Presidenti i Ukrainës Volodymyr Zelenskiy ka thënë sot se shërbimet e inteligjencës kanë zbuluar një komplot ku një grup rusësh e ukrainasish që do të rrëzonin qeverinë e tij javën që vjen. Zelenskiy tha se inteligjenca kishte siguruar regjistrime ku komplotistët diskutonin planet dhe tentonin të merrnin në krahun e tyre njeriun më të pasur të Ukrainës, Rinat Akhmetov. “Kam marrë informacion për një tentativë grusht shteti që do të ndodhë në vendin tonë më 1-2 dhjetor,” tha Zelenskiy. Presidenti shtoi se vetë Akhmetov nuk ishte i përfshirë në komplot dhe refuzoi të jepte detaje të mëtejshme. Kur u pyet nëse besonte se Kremlini ishte i përfshirë në çështje, Zelenski tha: “Më vjen keq nuk mund të flas për këtë”. Kremlini menjëherë mohoi akuzat, ashtu si dhe vetë Akhmetov që tha në një deklaratë se “informacioni i publikuar nga Volodymyr Zelenski është një gënjeshtër absolute”. Ai shtonte: “Jam i revoltuar nga përhapja e kësaj gënjeshtre, cilatdo që të jenë motivet e presidentit. “Pozita ime është e njëjtë dhe e qartë: jam për një Ukrainë të bashkuar, me Krimenë dhe me rajonin tim të lindjes, Donbass. Veprimet e mia i kanë mbështetur këto fjalë.”