Ushtarët rusë janë informuar që lufta do të zgjasë deri në 9 maj; Sky News thotë se janë zbuluar urdhrat e dhënë nga Moska për trupat e saj, dhe kjo është data që duket i intereson Kremlini. Arsyeja është edhe simbolike: 9 maji shënon datën kur vendi feston Ditën e Fitores mbi Fashizmin. Shtabi i Përgjithshëm i Forcave të Armatosura të Ukrainës thotë se një afat i tillë mund të jetë i vërtetë, duke pasur parasysh se Dita e Fitores është shumë e rëndësishme në Rusi dhe çdo vit shënohet nga një paradë ushtarake, e cila sa vjen e po bëhet më imponuese e më madhështore. “Informacione që ne disponojmë tregojnë se një fushatë propagandistike është duke u zhvilluar mes pjesëtarëve të Forcave të Armatosura të Federatës Ruse, e cila synon të imponojë idenë se lufta duhet të mbyllet deri më 9 maj 2022”, thuhet në deklarat. Shtabi i Përgjithshëm ukrainas pohon se megjithë humbjet e mëdha, mungesën e avancimit dhe demoralizimin që vihet re mes trupave ruse, mundësia e vazhdimit të luftës nga ana e Moskës sërish nuk përjashtohet. Ushtria ruse aktualisht po përpiqet të ripërtërijë aftësinë luftarake të forcave të saj ajrore. Ministri i Jashtëm rus, Sergei Lavrov, u ankua se vendi i tij po perballet me një luftë totale të shpallur nga Perëndimi. Sipas tij, qëllimi është "shkatërrimi, thyerja dhe mbytja e ekonomisë ruse dhe Rusisë në tërësi".