Duke cituar burime policore, gazeta greke Spirto jep detaje të reja mbi vrasjen e 20 vjecares Caroline Crouch nga bashkëshorti i saj, Babis Anagnostopoulos, i cili u përpoq ta mbulonte krimin e tij duke sajuar nga grabitje spektakolare në banesën e ciftit, e duke përfshirë madje në sulmin e tij imagjinar edhe banda shqiptare. Policia greke duket se e ka zbuluar tashmë se kush ishte personi që bashkepunoi me pilotin 32 vjecar, por për arsye hetimi, emri i tij ende nuk bëhet publik. Sipas Spirto, efektivët e dinë se kujt i përket zëri, pasi ky person ishte ai që telefonoi psikologen e ciftit duke e kërcënuar të mos flasë. Ai nuk kishte përdorur apaturë për ndryshimin e zërit, dhe pas verifikimeve, u pa se zëri nuk ishte i Babisit vetë. Psikologia Eleni Mylonopoulou, në dëshminë e saj rreth një muaj më parë tha se ishte marrë në telefon nga një person diku nga fund ii muajit maj kur u bë publik fakti që ajo kishte zhvilluar seanca me çiftin. Përveç kërcënimeve me telefon, ka pasur dhe sulme ndaj makinës së saj. Psikologia i tha policisë se Caroline ndihej si e bllokuar nga i shoqi, dhe thoshte se e ishte dashuruar me personin dhe përrallën që kishte krijuar në kohë e saj, por e urrente të shoqin. Babis pretendon se vrasja erdhi pas një sherri me Caroline, por nuk ka folur kurrë për një bashkëpunëtor.