Vullkani Cumbre Vieja në ishullin atlantik të La Palma vijonte sot të lëshonte llavë nga thellësitë e tokës, pa shenja zbutjeje një muaj pas shpërthimit. Vullkani shpërtheu më 19 shtator duke lëshuar lumenj të ngadaltë llave poshtë faqeve të malit duke shkatërruar çdo gjë në rrugën e tij. Vullkani në ishujt spanjollë në veriperëndim të kontinentit afrikan ka shkatërruar masa të mëdha toke e qindra shtëpi në një muaj aktivitet. Deri tani asnjë nuk është vrarë por shkëmbi i shkrirë ka mbuluar më shumë se 700 hektarë, sipas shifrave të qeverisë spanjolle. Një muaj shpërthim i vazhdueshëm është shoqëruar me tërmete të vogla, ndërsa gjeologët thonë se nuk e kanë idenë kur mund të qetësohet. Vullknai ka lëshuar gjithashtu rreth 10,000 ton dioksid sulfuri në ditë, teksa eksperti David Calvo thotë se shuarja e tij nis me rënien e nxjerrjeve deri në 400 ton dioksid sulduri në ditë. Pamjet: AFP