“Shpresoj të vizitoj Kosovën deri në fund të vitit”, presidenti serb Aleksandar Vucic e bëri këtë pohim në mbledhjen e bordit të Partisë së tij Përparimtare Serbe, ku konfirmoi gjithashtu pjesëmarrjen në samitin e Ohrit, edhe pse sic tha, nuk pret ndonjë zhvillim të madh atje. Vucic nënvizoi se kryeministri i Kosovës, Albin Kurti se nuk do ta themelojë Asociacionin e komunave me shumicë serbe, sepse nuk është në përputhje me ligjet e Kosovës. “Ne po përgatitemi për bisedime të hënën dhe të martën, dhe pas kësaj do të shkojmë në Ohër. Më besoni se nuk e kam të qartë se për çfarë të flasim atje”, tha kreu I shtetit serb. Përballja e dy udheheqesve ne Oher ne 18 mars, u parapri nga një tjetër ofensivë diplomatike e të dërguarit të BE-së për dialogun Mirosllav Lajcak, I cili ndaloi dy ditë në Prishtinë për takimet me krerët institucionalë por edhe partitë opozitare dhe përfaqësues të Listës Serbe, partia më e madhe e serbëve në Kosovë, rreth propozimit evropian ndërsa në 13 dhe 14 mars viziton Beogradin. Propozimi përfshin zotimin e palëve për t'i respektuar të gjitha marrëveshjet e arritura deri më tani në dialogun për normalizimin e marrëdhënieve, si dhe përkushtimin e tyre për të mos e penguar njëra-tjetrën në proceset integruese.