Një sherr banal për ngacmimin e partneres mes dy të rinjve në Tiranë ka përfunduar me një viktimë. Ngjarja ndodhi mbrëmjen e sotme në zonën e njohur si “Astiri” në kryeqytet, ku 34-vjeçari Amarildo Hoxhallari u përplas fillimisht me fjalë me 25-vjeçarin Darmend Keli, i cili në gjaknxehtësi e sipër e goditi 4 herë me një thikë në gjoks dhe në këmbë. 34 vjeçari u dërgua menjeherë në spitalin e Traumës, por rreth 1 orë pas ngjarjes ndërroi jetë për shkak të plagëve të rënda. Shërbimet e Komisariatit të Policisë Nr. 6 dhe ato të Forcës së Posaçme "Shqiponja" arritën të arrestonin autorin vetëm pak minuta pas kryerjes së krimit. Ndërkohë grupi hetimor po vijon punën për sqarimin e rrethanave të ngjarjes, që shkaktoi tronditje tek qytetarët e shumtë që ndodheshin aty pranë, pasi konflikti ndodhi në një zonë mjaft të populluar. Ky është krimi I dytë I pasionit brenda pak ditësh në Tiranë, që ka si shkak sherrin për partneret. Pak ditë më parë, efektivi i Policisë Erjon Goxhara plagosi me armën e shërbimit në zonën e ‘komunës së parisit’ kolegun e bashkëshortes së tij, pasi dyshonte për lidhje intime mes tyre.