Disa ore pasi dy 16-vjeccarë përfunduan në sallën e operacionit pasi u lënduan me mjete prerëse shumë pranë gjimnazit “Ibrahim Rugova” në kamëz, një tjetër ngjarje tronditi kryeqytetin. Në Babrru, pranë gjimnazit “Azem Hajdari” qytetarët vërejtën të shtrirë në rrugë trupin e një burri dhe njoftuan policinë. Pas mbërritjes së bluve dhe ambulancës u konstatua se personi ishte pa jetë dhe vdekja I kishte ardhur si pasojë e dëmtimeve me thikë. Pas disa verifikimeve policia mundi të identifikojë viktimën. Ai është 40 vjeccari Hajdar Ismailgeci. Nga verifikimet e deritanishme rezulton se 40 vjeccari ishte banor I zonës. Dyshimet janë se ai është përleshur me një person në rrugë. Po punohet me pamjet e kamerave të sigurisë në zonë dhe me pyetjen e personave të lidhur me viktimen për të identifikuar konfliktet e mundshme të tij që do të ccojnë tek identifikimi I autorit. Nga dëshmitë e marra në zonë, rezulton se autori pas krimit është larguar në këmbë nga vendngjarja dhe ka tërhequtr vëmendjen e banorëve për shenjat e gjakut që ka pasur në trup. Policia ka bërë shoqërimin e disa personave në komisariat për të hedhur më shumë dritë mbi ngjarjen.