I dyshuari për vrasjen e Charlie Kirk "nuk po bashkëpunon" me autoritetet dhe nuk ka pranuar të jetë ai autori. Deklaratën e bëri për mediat amerikanë, Guvernatori i Utah-ut, Spencer Cox, i cili po ashtu i qëndroi deklaratës së tij se autori i dyshuar ishte "thellësisht i indoktrinuar me ideologji të majtë".Guvernatori tha se midis atyre që po bashkëpunojnë me autoritetet është edhe shoku i dhomës i zotit Robinson, i cili tha se ishte gjithashtu partneri i tij. "Po intervistojmë çdo njeri që ka të bëjë me të. të gjithë ata që e njohin dhe po përpiqemi të mësojmë më shumë rreth motivit të vërtetë të ngjarjes” sqaroi guvernatori. I dyshuari Tyler Robinson, 22 vjeç, u mor në paraburgim rreth 33 orë pasi Kirk, një aktivist 31-vjeçar i krahut të djathtë, u qëllua për vdekje të mërkurën. Kirk po fliste në Universitetin e Luginës së Utah-ut në një aktivitet në ajër të hapur të mbajtur nga Turning Point USA, organizata ku ishte bashkëthemelues kur u qëllua për vdekje. Eventi ishte pjesë e Turneut të Rikthimit Amerikan, i cili ishte një angazhim për të mbajtur fjalime që e çoi atë në disa kampuse universitare në të gjithë SHBA-në. Përmes organizatës së tij Kirk përhapte pikëpamje shumë konservatore në shkollat e mesme, kolegje dhe universitete dhe numëron më shumë se 250.000 anëtarë studentë. Kirk i përdorte masivisht mediat sociale për të mobilizuar të rinjtë për vlerat konservatore. Ai ishte një mbështetje e fortë për Donald Trump në fushatën për zgjedhjet presidenciale dhe kishte lidhje mjaft të mira me administratën amerikane.