Sezoni veror në Vlorë po vazhdon me ritme të larta edhe gjatë shtatorit. Destinacionet turistike, si Sazani dhe Karaburuni, janë më të preferuarat për t’u vizituar, kryesisht të huaj. Në portin e Vlorës, anijet turistike dhe gomonet nisen çdo mëngjes me turistë drejt këtyre destinacioneve. “Ende nuk e kam shijuar plotësisht Vlorën që të jap një opinion të saktë, por ajo që shoh është se Vlora dhe Shqipëria janë jashtëzakonisht të bukura, me një verë të gjatë — e kundërta e asaj që kemi në Poloni,” “Jemi vetëm prej dy ditësh këtu dhe shohim se çmimet në Shqipëri janë si në Poloni — as të shtrenjta e as shumë të lira. Pjesa tjetër mbetet për t’u parë në vijim.” “Kam dëgjuar për Vlorën, por nuk e kisha imagjinuar që do të gjeja këtë mrekulli. Një vend kaq i bukur, me njerëz shumë të mirë. Do t’ua këshilloja të gjithëve,” “Vij nga Brindizi… jemi shumë afër jush, vetëm 70 km, prandaj zgjodha Vlorën. Do të shijojmë bukuritë e qytetit, të ishujve dhe të gadishullit. Rroftë Vlora dhe Brindizi,” “Qershor-gusht kanë qenë të gjitha strukturat ‘full booked’, ndërsa edhe shtatori po rezulton i ngjashëm. Tashmë sezoni veror në Vlorë nis që në prill dhe zgjatet deri në tetor. Kemi arritur qëllimin tonë.” “Realiteti është që Shqipëria ende nuk ka kapacitetet e duhura për të përballuar një ‘boom’ të madh turistik. Vlorës i duhet kohë për të zgjeruar shërbimet dhe për të përmirësuar cilësinë që ofrojnë strukturat turistike dhe ato lokale.” Vlora po e kthen shtatorin në një muaj të artë për turizmin, duke ofruar diell, det dhe qetësi për vizitorët që kërkojnë më shumë se sa thjesht pushime verore.